Zaikhawm

Mizo Culture leh zai hi thil kalkawp tlat a nihna chen thui tak a awm ngei ang. Kan hlawhtlinna chu hlain kan puang chhuak thin a. Kan hlimna leh lungngaihna pawh hla hmangin kan tarlang bawk. A huhova hla hmanga inawi tlei thin kan ni. Hetiang a nih avang hian Kristianna huanga kan luh hnu pawhin hla hmanga inpawlkhawmna kan nei fo thin a ni.

Kristianna huang atanga hunpui pawimawh bik kan neihah chuan kohhranhote’n zaikawm hun kan buatsaih thin. Hetiang hun hi hlung takin hman thin ni mah se tunah chuan hna kan ngaha kan hman tak loh vang nge kan ngaihpawimawh tak loh vang tih pawh hriat lohvin a hlung tawk loh chang a awm ta fo mai.

Zaikhawm hi a bik takin thalai lam chuan nu leh pa lam chanah kan dahna chen a awm fo thin a. Thalai member te’n kohhran zaikhawm programme hi ngaipawimawh tharin hei hi midang mawhphurhnaah i beng per mai lovang u. Kohhran nung leh nung lo te, kohhran dinhmun hriat nana tehna awlsam taka kan khai mai theih chu kohhrana thalaite inpekna atang hian a ni awm e. Thalaite kohhrana an inhman tak tak peih loh hi chuan kohhran hi a che tak tak theih meuh lo a ni. Chuvangin thalaite hian kohhran proramme zaikhawm hi kan pawimawhna hre reng chungin zaikawm hi i uar thar zel ang u.