Chanchinthar

MTKP INKHAWMPUI

Dt. 18th - 21st March, 2010 chhung khan MTKP Inkhawmpui vawi 44-na chu Jt. YMA Field Vaivakawnah neih a ni a, rorel Dt. 19th March, 2010 khan neih niin rorel ni hian kum 2010 - 2012 chhung atana MTKP hruaitu tur thlan a ni a, a hnuai kan han tarlante hi hruaitu thlan tharte chu an ni e.
President :
Rev. R.Zohmingliana
V. President :
Tv. P.C.Vanlalrova
Organiser :
Rev. Samuel Lalremsanga
Asst. Secretary :
Pu R.Lalrochama
Treasurer :
Pu F.Lalromawia
Fin Secretary :
Pu Victor Lalrinawma
Inkhawmpui Rorelah hian ‘Zonunmawi’ beihpui kal mek chu chhunzawm leh ni se tia rel a ni a, tin, kum 2013 MTKP Inkhawmpui na hmun tur atan Haulawng ruat a ni. Inkhawmpui thlengte tanpui nan Bial TKP-te’n tanpui thin tawh ni se tih a ni a, Unit tinte’n hemi atan hian fehchhuah vawi 1 neih thin ni tawh bawk se tih a ni.
Tun tum inkhawmpui hi Bial tin atanga Palai kan kal kim la awm chhun a ni a, rorelna a agenda thenkhat te chu BCM Planning Commission-a thehluh tur a tih a awm nual bawk a ni.
 Kum 2012 TKP kum 60 tlinna tur a ni a, he mi hi lawm ngei nise tih a ni a, TKP ten a zawn a kum sarihna atan mission rawngbawlna kawng a hmalak chhunzawm nise tih a ni bawk

CORE GROUP
BCM leh NEICORD (North East India Committee on Relief & Development ) te chuan thawhhona siamin, chumi thawhhona kal zelah Rahsiveng Baptist Kohhran-ah pawh he thawhona hi tipuitling turin Core Group din fel a ni a, he Core Group hi TKP-te enkawl tura tih a ni a, TKP Evangelical Cell-te chu hmalatu ber tura ruat an ni.
Core Group-ah hian Bialtu Pastor leh Tualchhung Kohhran Chairman leh Secretary-te chu Ex-officio member an ni a, tin, FOD hrang hrang aiawh member kan awm bawk a ni.
Tunah hian kumin 2010 chhung atana Work Plan siam fel tawh a ni a, NEICORD lam hotute’n an ennawn leh mek a, tun thla chhung hi chuan engkim fel vek tawh tura ngaih a ni.
Kumin chhunga hmalakna lian zual neih tura ruahmante chu :
1) Counselling Centre hawn : Zirtawpni apianga Centre hi hawn tur a ni a, tunah hian Rahsiveng Baptist Kohhran chuan Counselling centre kan nei tawh a ni. Centre hi April ni 9 atanga hman tan tum a ni a, tunah hian Counselling a kal turte Ina lengin insawm chhoh mek a ni a, Counselling a kal duh turte tan chuan TKP hruaitute hnenah inhriattir theih reng a ni.
2) Special Camp : Special Camp, a reilo berah kar 2 chhung awh tur buatsaih tum a ni bawk a, May thla chawhnu lamah a remchan chuan neih tum a ni.

MARCH 2010 THLA THAWHLAWM
PRZ - 79,730/-
Ramthim - 67,675/-
Tualchhung - 62,930/-
Krismas - 3,615/-
Building - 40,520/-
Relief - 21,480/-
Missionary
chawmna - 27,545/-
Buhfaitham - 23,758/-
TOTAL - 3,27,253/-
2009 - 2010 chhunga kan kohhran Target hi Rs. 22,90,000/- a ni a, tunah hian kan pek tawh zat chu Rs. 29,31,902/- a ni tawh a, chutichuan 2009 - 2010 chhunga kan Kohhranin target kan khumna hi Rs. 6,41,902/- a ni ta a ni.
Kan Kohhranin hetianga Target kan khum theih chhan hi Kohhran mipuite thahnemngaihna leh thawhrim rah liau liau a ni a, Pathian hminga thawhlawm kan thawhte hi Pathianin mal a sawm ngei ang. Kohhran mipuite chungah Kohhran hruaitute’n lawmthu an sawi e.
RAWNGBAWLTU PUITU RUAT THAR
Kan Kohhran puipa nghet ni 9th March, 2010 a thukhawm chuan kan Kohhran Rawngbawltu puitu atan Pu P.C.Lallawmzuala leh Pu Ramnunsanga te chu an ruat thar a, he an rawngbawlna hi tha taka an thawh theih nan Kohhran mipuite’n kan tawngtai sak thin dawn nia.
AICS EXAM
Tunah hian AICS zirlai ten Exam an nei mek a, Kohhran ho ten an tih tur tha tak a an tih theih nan tawngtaina ah i hre zel ang u.

REV. DR. RALTAWNGA CHHAKCHHUAK
Rahsiveng Bialtu Pastor Rev. Dr. Raltawnga Chhakchhuak chu a pension dawn tak avangin tun thla chhung bak a hna hi a thawk dawn ta lova, thla thar lamah chuan an mahni In leh lo Venglai lamah min kalsan dawn ta a ni.
Pu Tawnga hi BCM General Secretary leh President te pawh lo ni tawhin, rawngbawlna pawimawh dang tamtak a lo chelh tawh a ni. A ni ang Baptist Kohhran tana ban tling mi chhuanawm takin min lo pension san dawn ta hi channa nasa tak a ni. Amaherawhchu, BCM tan mi tangkai tak a nih chhunzawm zel kan beisei bawk a ni.
Kan Pastor hian lehkhabu ro tling tak tak a lo ziak tawha chung zingah chuan ‘Kristian Thurin Tlangpuite’ tih te, tun thlenga Kohhran tana lehkhabu rintlak min hnutchhiah a ni. A ni hi damlai lungphun kan tih ang hi a ni ve hial awm e.
Rev Dr. Raltawnga hi Rahsiveng Bialtu Pastor hmasa ber a ni a, kan Bial bul min tan puitu Pastor Experiance nei tha tak maiin min kalsan tur hi chu a uihawm khawp mai, a ni bakah an nu Pi Chhingi, Pastor nupui nih tlin tak pawh hi kan ngai dawn hle a ni.
Kan Pastor hi Kohhran chhungkuate min thlawhchhuaka min zir peih tak a ni a, Rahsiveng zia pawh min hrechiangtu tak a ni a, kei ni pawhin kan ngainat leh nel em em a ni. A hun kal zel turah Pathian in awmpuiin kaihruai zel rawh se.

VAWIIN KOHHRAN PROGRAMME
( Thupui - Isua zuitu rinawm)
Zing : Rev. Raltawnga Chhakchhuak
Zan : Upa P.C.Rodawla
TKP PROGRAMME
(Tawngtai Inkhawm)
A hmun - Hall No. 2
Chairman - Nl. Lalhmunsiami
Bible chhiar -
Tv. Joe Vanlalrinawma
Nl. Vanlalhruaii Sailo
Hla thlangtu -
Nl. Lalmuanawmi Sailo
Thuchah :
Tv. K.Lalzuimawia
Tawngtai thupui awm sa :
1) Hruaitu Camp April thlaa neih tur atan
2) Games & Sports Sub-comt. te tan.
3) FOD hrang hranga OB-te tan.
BKHP RAMTHIM FEHCHHUAH
A hmun - Upa P.C.Rodawla In
Chairman - Pi P.C.Lianngaizuali
Thuzir hruaitu
- Pi Lalzoliani Miller
Relief Fund khawntu
- Pi Lalkimi
Pi H.Lalremthangi

BMP PROGRAMME
A hmun : Pu R.Lalbiakliana In
Chairman : Pu F.Lalengzuala
Bible chhiar : Pu C.Lalchhanhima
Thawhlawm khawntu :
Pu P.Thankima
Thuchah : Pu Vanlalpeka Ngente

JUNIOR TKP PROGRAMME
A hmun - Hall No - I
Chairman -
Nl. R.Lalhmangaihzuali
Tantu - L.P.Lalnunpuii
Bible chhiar -
Elizabeth Lalbiaktluangi
Hla thlangtu - Nicky Lalrinzuala
Thawhlawm
khawntu - C.Lalrinmawii
Fellowship-ah hian Career guidance neih tur a ni a, member tinte kal theuh kan tum dawn nia.
KNP PROGRAMME
Chairman - Upa R Sangchungnunga
Tantu - C.Vanlalhruaii
Bible chhiar - Lalnunfeli
Lalliankimi
Recitation sawi turte -
R.Lalthianghlimi Lalhriatrengi
Lalruatkimi
Zaithanzami
Solo - Lalrinhlui
Thawhlawm khawntute -
Remruatfela, Lalthlamuana Hrahsel, C.Vanlaldina, Lalrengpuii
Hla Thlangtu - Zorampari
BIAK INA PANGPAR KHAWITUTE
Pu L.H.Lalhmingmuana te chhung leh Pu Lalnunfima te chhung.
TKP SPORTS
Dt 10th April 2010 (Inrinni) hian TKP Sport Opening neih tur a ni a, tun atangin Group tin te kan lo inbuatsaih a pawimawh hle mai. Kumin chhung hian Games & Sports Items hrang hrang a tam thei ang ber neih tum a ni.